43 градус ыстық: алдағы үш күнде елімізде ауа райы қандай болады

Алдағы үш күнде Қазақстанда ауа райы қандай болатынын "Қазгидромет" синоптиктері болжады.

Синоптиктердің болжауынша, Қазақстанның шығыс, солтүстік-шығыс және оңтүстік-шығыс аймақтарына атмосфералық фронтальды бөлімдер әсер етеді, соған байланысты жаңбыр, найзағай, бұршақ және екпінді жел күтіледі.

8 шілдеде солтүстік-шығыста және шығыста, 8-9 шілдеде Қазақстанның оңтүстік-шығысында қатты жаңбыр күтіледі.

Қазақстанның қалған аумағы солтүстік-батыс антициклонының ықпалында болады және ауа райы жауын-шашынсыз болады деген болжам бар.

Сондай-ақ 8-10 шілде аралығында батыста, 9-10 шілдеде солтүстік-батыста, 10 шілдеде Қазақстанның орталығында 43 градусқа дейін аптап ыстық күтіледі.