Алматы базарындағы өрт: өрт сөндіру жұмыстары жалғасуда (видео)

Алматы қаласы ТЖД өкілдері "Кенжехан-2" киім базарының аумағында контейнерлік үлгідегі қоймада өрт шығып, оны сөндіру жұмыстарын жүргізіліп жатқанын мәлімдеді. Бұл туралы Төтенше жағдайлар министрлігінің Telegram-дағы ресми арнасында хабарлады.

Ведомство мәліметінше, өрт туралы қоңырау бүгін сағат 12 шамасында түскен.

Алматы қаласы ТЖД бөлімшелері келгеннен кейін "Кенжехан-2" киім базарының аумағында контейнерлік үлгідегі қоймада өрт болғандығы анықталған.

ТЖМ өрт аумағы анықталып, халықты базардан эвакуациялау жүргізіліп жатқанын хабарлады.

Төтенше жағдайды жедел жою жұмыстарына Алматы қаласы ТЖМ бөлімшелерінің жеке құрамы мен техникасы жұмылдырылған.

Ведомствоның соңғы мәліметінше, өрт сөндірушілердің жедел әрекетімен сағат 12.52-де өрт оқшауланған.

"Мерт болғандар мен зардап шеккендер жоқ. Сөндіру жұмыстары жалғасуда", - делінген ресми хабарламада.