Дүйсенбі күні Қазақстан мегаполистерінде 37 градусқа дейін ыстық болады
Жарияланған күні:

Дүйсенбі, 10 шілде күні Қазақстанның үш ірі қаласында – Астана, Алматы және Шымкентте аптап ыстық күтіледі, деп хабарлайды "Қазгидромет" мемлекеттік метеорологиялық қызметі порталы.
Синоптиктердің болжамынша, бүгін Алматыда жауын-шашынсыз ауа райы сақталады, күндіз термометрлер 28-30 градусты көрсетеді, түнде ауа температурасы 17-19 градусқа дейін төмендейді. Желдің жылдамдығы секундына 3-8 метр болады.
Астанада дүйсенбі күні күндіз 31-33 градусқа дейін, түнде 19-21 градусқа дейін ыстық болады деп күтілуде. Елордада жауын-шашын болмайды, желдің жылдамдығы 3-8 м/с. Сонымен қатар Астанада аптап ыстық пен төтенше өрт қаупіне байланысты дауылдық ескерту жарияланды.
Шымкентте синоптиктердің болжауынша, бүгін 35-37 градус ыстық, түнде мегаполисте 23-25 градусқа дейін салқындайды деп күтілуде. Сондай-ақ қалада жауын-шашын болмайды, желдің жылдамдығы 8-13 м/с жетеді.
Еске салсақ, бұған дейін еліміздегі аптап ыстыққа байланысты азаматтық қорғау органдары жоғары дайындық режиміне көшкені хабарланған болатын.
Мақаланың түпнұсқасы: https://kaz.nur.kz/society/2027971-duisenbi-kuni-qazaqstan-megapolisterinde-37-gradusqa-deiin-ystyq-bolady/