Маңғыстауда таяқ пен бөтелке ұстағандардың жаппай төбелесі видеоға түсіп қалды

Маңғыстау облысында кеше жаппай төбелес болды. Тәртіп сақшылары алты күдіктіні анықтап, ұстады, деп хабарлайды KAZ.NUR.KZ тілшісі өңірлік ПД баспасөз қызметіне сілтеме жасап.

Zhest_kz Telegram арнасында жаппай төбелестің видеосы жарияланды. Кадрларға қарағанда төбелескендер қолдарына таяқ алып, бөтелке лақтырған.

Маңғыстау облысы ПД баспасөз қызметінің хабарлауынша, оқиға 15 шілде күні сағт 03.30-да Бейнеу ауылындағы Д. Тәжиев көшесінде болған.

"Полиция қызметкерлері 24-25 жастардағы 6 күдіктіні анықтап, ұстады. Аталған факті Қылмыстық кодекстің 293-бабы 3-бөлігі бойынша Бейнеу аудандық полициясының СТБТ тіркелді. Тергеу мүддесіне сәйкес, өзге ақпарат жарияланбайды", - деп хабарлады полициядан.

Назар аударыңыз! Видеода жантүршігерлік кадрлар мен бейәдеп сөздер бар.