Қостанайда облыс аумағы мен Астанада жалған АҚШ долларын сатқан бес адам сотталды

Қостанайда облыс аумағы мен Астанада жалған АҚШ долларын сатқан бес адамға сот үкімі шықты. Бұл туралы Қаржылық мониторинг агенттігі Telegram-дағы ресми арнасында хабарлады.

Агенттік мәліметінше, сотталушыларға "Жалған ақша немесе бағалы қағаздар жасау, сақтау, алып өту немесе өткізу" бабы бойынша, сондай-ақ жәбірленушілерді алдау фактілері болғандықтан "Алаяқтық" бабы бойынша айып тағылған.

Агенттіктің ақпаратынша, сотталушылардың бірі С. есімді азамат валют тауып әкелумен айналысса, А. мен Т. Қостанай облысының аумағында сатуды жүзеге асырған, ал Астана аумағында таратуды ерлі-зайыпты жүргізген.

Сотқа дейінгі тергеу барысында 30 000 жалған доллар анықталып, оның 28 600-і тәркіленген.

Сот үкімімен С. 5,5 жылға (жазасын қауіпсіздігі ең төмен мекемеде өтейді), А. мен Т. 5,5 жылға (жазасын қауіпсіздігі орташа мекемеде өтейді) бас бостандығынан айырылған.

Ерлі-зайыпты шартты түрде 5 жыл 2 айға бас бостандығынан айырылған.