Түркістан облысында рұқсат етілмеген жарық сигналымен емін-еркін жүрген көлік жүргізушісі жауапқа тартылды

Түркістан облысында көлігіне рұқсат етілмеген қызыл-көк түсті жарық сигналдарын орнатқан жүргізуші жауапқа тартылды. Бұл туралы Түркістан облысының полиция департаметі Telegram-дағы ресми арнасында хабарлады.

Ведомство мәліметінше, Telegram парақшалардың бірінде жүргізушінің Mercedes автокөлігіне рұқсат етілмейтін қызыл-көк түсті жарық сигналдарын орнатып, мемлекеттік тіркеу нөмірінсіз трассада емін-еркін жүрген бейнежазба анықталған.

Бұл жағдай Түркістан облысы Төлеби ауданы Қасқасу ауылының тасжолында тіркелген. Көлік иесі Шымкент қаласының тұрғыны, жас жігіт болып шыққан.

Оған қатысты ӘҚБтК 590-бабының 2-бөлігі және 603-бабы 1-бөлігі бойынша әкімшілік хаттама толтырылған. Көлік айыптұрағына қойылған.

Мәтіннен қате тапсаңыз, бізге жазыңыз