Алматы әкімдігі су тапшылығынан ағаштар қурап қалды деген ақпаратқа түсініктеме берді

Алматы әкімдігі Медеу ауданында судың тапшылығына байланысты ағаштар қурап қалды деген ақпаратқа қатысты пікір білдірді. Бұл туралы ведомствоның баспасөз қызметіне сілтеме жасаған KAZ.NUR.KZ хабарлайды.

Әкімдікте Медеу ауданының оңтүстік бөлігінде қатты ыстықтан мұздықтардың тез еруіне байланысты су беру шектелгенін растады.

Бұл ретте әлеуметтік желіде су құбырындағы ақаулардан ағаштар зардап шегіп жатқаны туралы ақпарат пайда болды - бұл қатты ыстық пен ылғалдылықтың жетіспеушілігінен туындаған деген болжам бар. Алайда әкімдік бұл ақпаратты жоққа шығарды.

Ведомствоның ақпаратынша, орталықтандырылған су құбыры жасыл алқаптарды суаруға арналмаған және ондай мақсатқа пайдаланылмайды.

"Өсімдіктерді суаруға арналған су 12 мотопомптың көмегімен ауданы 37,5 га арық жүйесінен алынады, сондай-ақ су қоймасының көмегімен Кіші Алматы өзенінен алынады.

Бұл су ауданы 122,97 га болатын 25 мекенжайды автоматтандырылған жүйе арқылы суаруға пайдаланылады. Сондай-ақ тағы 30 шақты арнайы техника жалпы көлемі 36,75 гектар болатын 24 аймақты суаруда", - делінген хабарламада.

Әкімдіктің мәліметінше, Медеу ауданында жалпы көлемі 197 гектарды құрайтын 76 жасыл аймақ бар. Оның ішінде 31 сквер, саябақ, жасыл аймақ және 45 жол учаскесі, бульвар, көлік айрығы жатады.

Алматы қаласындағы сумен қамту мәселесі

Демалыс күндері сумен қамтамасыз ету көздерінде жауын-шашын мен селдің әсерінен бастапқы судың ластану деңгейі көтерілді, салдарынан сумен қамтамасыз ету тоқтатылған.

Алматыдағы Медеу ауданының оңтүстік бөлігінде су беру шектелген болатын.

Әкімдікте табиғи құбылыстың әсерінен бастапқы судың ластануының мөлшері көтеріліп, су тазарту қондырғыларында суды одан әрі тазарту үшін қажетті су көлемін алуға мүмкіндік жоқ екенін айтқан.

Сондай-ақ бүгін Алматы тауларында тағы да жоғары сел қаупі жарияланғаны туралы жазған едік.

Ведомствоның хабарлауынша, соңғы 13 күнде қалыптасқан ауа температурасының жоғарылауына байланысты Алматы тауларында гляциалды (мұздық) және нөсерлі сипаттағы сел қаупінің жоғары дәрежесі байқалады.

Гидрометеорологиялық және сел жағдайының талдауына сәйкес, қатты жаңбыр жауған кезде сел құбылыстары болуы мүмкін.