40 градус ыстық: еліміздің ірі қалаларында бүгін ауа райы қандай болады

Дүйсенбі, 31 шілдеде Алматыда найзағай ойнайды, ал Шымкент пен Астанада күн ашық болады. Бұл туралы "Қазгидромет" РМК ресми сайтында хабарланды.

Синоптиктердің болжауынша, Алматыда найзағай ойнап, жауын-шашын күтіледі. Жел 13 м/с дейін күшейеді. Күндіз ауа температурасы 34-36 градусқа дейін көтерілсе, түнде 21-23 градус болады.

Астанада күн жауын-шашынсыз, күндіз 29-31 градус ыстық болады, түнде 17-19 градусқа төмендейді. Желдің жылдамдығы - 3-8 м/с.

Шымкентте бүгін синоптиктер аптап ыстық күтіледі. Күндіз ауа температурасы 38-40 градусқа көтерілсе, түнде 22-24 градусқа төмендейді. Желдің жылдамдығы 8-13 м/с құрайды.