Қаржы министрі Қазақстанда вейпке толығымен тыйым салынуы мүмкін екенін айтты

Қаржы министрі Ерұлан Жамаубаев үкімет кулуарында тиісті заң қабылданғаннан кейін елде вейп сатылымына толық тыйым салу жоспары барын растады, деп хабарлайды KAZ.NUR.KZ.

"Менің ойымша, бұл дұрыс шешім. Денсаулық сақтау министрлігінде вейптің зияны туралы толық ақпарат бар, оның салдары туралы біз білмейміз және түсінбейміз. Балаларымыз зардап шегіп жатқандықтан, бұл қазірдің өзінде ұлттық қауіпсіздік мәселесі.

Біз толығымен тыйым саламыз және болашақта вейптің сатылымына жол бермеу үшін барлық шараны қабылдаймыз. Бірақ бұл заң күшіне енгеннен кейін болады", - деді Қаржы министрі Ерұлан Жамаубаев.

Сауда министрі Серік Жұманғарин үкіметтің мұндай шешімі "біреудің базарын жауып тастау" деген ниеттен емес, вейптердің адамдардың, атап айтқанда, өскелең ұрпақтың денсаулығына әсер ететіні себепті деп қоса кетті.

"Respublica" партиясының депутаты Нұргүл Тау бұған дейін ведомствоаралық комиссия Қазақстанда вейпті сатуға, әкелуге, экспорттауға және өндіруге толық тыйым салуға дауыс бергенін хабарлаған.

Мамыр айында депутат премьер-министрге өтініш білдіріп, елде вейп сатуға тыйым салуды ұсынған болатын. Депутат Нұргүл Тау ата-аналар вейптерді жаппай таратуды және пайдалануды тоқтатуды өтініп жатқанын атап өткен еді.

"Денсаулық сақтау мамандарының айтуынша, вейп құрамында никотин, көмірқышқыл газы, аммиак, шайыр және органикалық қышқылдар сияқты 30-дан астам улы заттар бар. Электронды сигареттер темекі адамның өкпесін құртады", - деді депутат.

Мәжіліс депутаты Дания, Норвегия, Аргентина, Канада, Үндістан және Сингапурды қоса алғанда, 32 елде вейптарды сатуға тыйым салынғанын хабарлады.

Маусым айында президент Қасым-Жомарт Тоқаев вейппен күрес мәселесін өз бақылауында ұстайтынын мәлімдеген еді.

Мәтіннен қате тапсаңыз, бізге жазыңыз