"Мораторий жарияланғаны үшін тексеруге жатпайды": Алматы ТЖД өрт шыққан тұрғын үйге қатысты мәлімет берді

Алматы ТЖД бастығының міндетін атқарушы Ерлан Әлібеков брифингте Ақкент ықшамауданында өрт шыққан тұрғын үйді азаматтық қорғау органдары тексере алмайтынын айтты, деп жазады KAZ.NUR.KZ.

Брифингте Алматы ТЖД бастығының міндетін атқарушы Ерлан Әлібеков жалпы департаментте 1024 көпқабатты тұрғын үй тіркелгенін атап өтті.

"Тексеру жүргізу тәртібін реттейтін ереже бар, биыл 93 нысан тексерілмек. Бұл нысанға шағын және орта бизнеске мораторий жарияланғаны үшін тексеруге жатпайтын шағын кәсіпкерлікке жататын ұйым қызмет көрсетеді. Атап айтқанда қызмет көрсету ұйымы - жеке мүлік бірлестігі", - деді Алматы ТЖД бастығының міндетін атқарушы.

Сонымен қатар Ерлан Әлібеков компаниялар құрылысты салу кезінде стандарттарды сақтау керегін айтты. Оның сөзінше, азаматтық қорғау органдары нысандарды жобалау процесіне қатыспайды.

"Біз үнемі өрт тактикасын жетілдіру бойынша жұмыс істейміз. Бірақ мұндай жағдайларда құрылыс жобаларын жобалау кезінде құрылысшылар мен құрылыс салушылар сақталуы тиіс қала құрылысы стандарттары бар екенін атап өткен жөн. 2015 жылдан бастап бизнеске қысымды азайтуға байланысты азаматтық қорғау органдары жер телімдерін алу процесіне, нысандарды жобалауға және іске қосуға қатыспайды", - деді Ерлан Әлібеков.

Сонымен қатар Алматы ТЖД міндетін атқарушы Ерлан Әлібеков өрт қауіпсіздігіне әр адам жауапкершілікпен қарау керектігін жеткізді.

"Біз бұл мәселені төтенше жағдай бойынша комиссияда қайта қарауды, алдын алу, оның ішінде түсіндіру шараларын жоспарлап отырмыз. Бұған дейін айтқанымдай өрт қауіпсіздігі жүйелерінің жағдайына тек мүлік иелері бірлестігінің төрағасы ғана емес, көпқабатты үйдің әрбір тұрғыны бірдей жауапты", - деді ол.