Бүгін елдегі ірі қалаларда ауа райы қандай болады

Бейсенбі, 10 тамызда Астанада күн күркіреп, Алматы мен Шымкентте ыстық болуы мүмкін. Бұл туралы "Қазгидромет" РМК ресми сайтында хабарлады.

Синоптиктердің болжауынша, бүгін елордада күн күркіреп, жел 5-10 м/с дейін күшейеді. Бұл ретте екпіні 15 м/с дейін жетеді. Күндіз сынап бағанасы 27-29 градус жылыны көрсетсе, түнде 13-15 градусқа дейін суытады. Найзағай салдарынан Астанада дауылдық ескерту жарияланды.

Алматыда бүгін күн ашық болады деп болжануда. Күндіз 32-34 градус, түнде 21-23 градус жылы болады. Желдің жылдамдығы - 3-8 м/с.

Шымкентте де күн ашық, күндіз 34-36 градус ыстық болса, түнде ауа температурас 21-23 градусқа дейін төмендейді. Сондай-ақ желдің жылдамдығы 8-13 м/с жетуі мүмкін.