Қошанов Президенттің атынан Мәшһүр Жүсіп Көпеевтің 165-жылдығымен құттықтады
Опубликовано:
![Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады](https://cdn.nur.kz/images/1120x630/cab1af0cad9e302c.jpeg)
Мәжіліс төрағасы Ерлан Қошанов Мемлекет басшысының тапсырмасымен Мәшһүр Жүсіп Көпеевтің 165-жылдық мерейтойына арналған салтанатты іс-шараға қатысты.
Алқалы жиын Павлодар облысы Баянауыл ауданында өтті.
Мәжіліс спикері Президент Қасым-Жомарт Тоқаевтың құттықтау хатын оқып берді.
"Мәшһүр Жүсіп Көпейұлы халқымыздың ауыз әдебиетін, шежірелі тарихын және салт-дәстүрін жан-жақты зерделеп, ұлт руханиятын дамытуға өлшеусіз үлес қосты. Халықты өнер-білімге шақырған өлеңдер мен толғаулар, дастандар мен қиссалар жазып, төл әдебиетіміздің көкжиегін кеңейтті. Ұлы ойшылдың мол мұрасы әлі де талай ұрпақтың қажетіне жарары сөзсіз. "Салған мені бейнетке ғылым-білім" деп ақынның өзі жырлағандай, терең таным мен телегей білімнің арқасында елге танымал болып, "Мәшһүр" атанған абызды ұлықтап, еңбектерін жұрттың жадында жаңғырту – баршамыздың ортақ парызымыз", – делінген Президент құттықтауында.
![Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады](https://cdn.nur.kz/images/1120/8e7eba3cecb8dee6.jpeg)
Ерлан Қошанов Ертіс-Баянауыл өлкесі ұлтымыздың тағдыры мен тарихына өшпес із қалдырған ұлы перзенттерді дүниеге әкелген киелі топырақ екенін атап өтті. Солардың бірі де, бірегейі – Мәшһүр Жүсіп Көпейұлы.
![Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады](https://cdn.nur.kz/images/1120/9360e94c96ec02e9.jpeg)
Мәжіліс төрағасы ақын өлеңдері мен көсемсөзі қазақ руханиятының алтын қорынан ойып тұрып орын алатынын айтты.
"Ол кезде заман қандай болғанын білеміз. Сол аласапыран уақыттың өзінде қаншама шежірені, дастан-қиссаларды, ертегілерді, айтыс үлгілерін көзінің майын тамызып отырып жинағаны ерлікке пара-пар", – деді Мәжіліс төрағасы.
![Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады](https://cdn.nur.kz/images/1120/17e750c857740708.jpeg)
Сөз соңында Мәжіліс спикері Ерлан Қошанов Мәшһүр Жүсіп Көпейұлының есімі мен мол мұрасы халқымызбен бірге мәңгі жасай беретінін ерекше атап өтті.
![Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады Е.Қошанов Президенттің атынан Мәшһүр Жүсіп Көпеевтің 165-жылдығымен құттықтады](https://cdn.nur.kz/images/1120/4bc7b13e846e5def.jpeg)
Мерейтой аясында облыста республикалық ақындар айтысы, жыршы-термешілер байқауы, көкпар, бәйге мен қазақ күресінен жарыс өтті.
Мәжілістің Баспасөз қызметі 74-63-04. Суретті түсірген Ж.Жұмабеков
Мақаланың түпнұсқасы: https://kaz.nur.kz/society/2032232-qosanov-prezidenttin-atynan-mashur-zusip-kopeevtin-165-zyldygymen-quttyqtady/