Қылмыстық қақтығыстарға дайындалған: Ақтауда қару-жарақ арсеналы тәркіленді

Маңғыстау облысы полиция департаментінің ұйымдасқан қылмысқа қарсы күрес басқармасы жедел-іздестіру шараларын жүргізу барысында облыс орталығында күдікті топты анықтады. Алдын ала болжам бойынша ұсталғандар қылмыстық қақтығыстарға дайындалған. Бұл туралы Polisia.kz ақпараттық медиа-порталында хабарланды.

Ведомствоның хабарлауынша, тінту кезінде ұсталған адамдардан тапаншалар, мылтықтар, 100-ден астам оқ-дәрі, пышақтар және екі магазинді "UZI" моделінің пулеметі тәркіленді.

Күдіктілер уақытша ұстау изоляторына қамалды.

"Қазіргі уақытта Қылмыстық кодекстің 287 бабы ("Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру") бойынша сотқа дейінгі тергеу жүргізілуде. Тиісті сараптамалар тағайындалды", – делінген хабарламада.

Полиция департаментінде тергеу мүддесіне орай өзге ақпарат жария етілмейтіні атап өтілді.

Мәтіннен қате тапсаңыз, бізге жазыңыз