Қостанай облысында көбік кешінде 9 жасар қыз баланы тоқ соқты

Қостанай облысындағы Ұзынкөл ауылында көбік кеші кезінде 9 жасар қыз баланы электр тоғы соққан. Ол ауруханаға жатқызылды, деп хабарлайды облыстық ПД баспасөз қызметіне сілтеме жасаған KAZ.NUR.KZ.

Қостанай облысы ПД баспасөз қызметінің хабарлауынша, оқиға 25 тамызда Ұзынкөл ауылында жастар күніне арналған көбік кешінде болған. Кеште 9 жасар қыз баланы электр тоғы соққан.

"Кезекшілікте болған дәрігерлер қыз балаға оқиға орнында алғашқы шұғыл медициналық көмек көрсетті. Ол аудандық ауруханаға жатқызылды.

Аталған факті бойынша полицейлер Қылмыстық кодекстің 306-бабы 2-бөлігі "Қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету" бойынша сотқа дейінгі тергеуді бастады", - деп хабардар етті департаменттен.

Полицейлер қазіргі уақытта қажетті тергеу амалдары жүргізіліп, тиісті сараптамалар тағайындалғанын атап өтті.

Мәтіннен қате тапсаңыз, бізге жазыңыз