ТЖМ басшысы құтқарушылар тікелей хабарласа алу үшін байланыс нөмірін жариялады

4 қыркүйектен бастап "WhatsApp" мессенджерінде Төтенше жағдайлар министрі Сырым Шәріпхановтың ТЖ министрлігінің жеке құрамына арналған тікелей телефон нөмірі іске қосылып, жұмысын бастады. Бұл туралы ведомство ресми сайтында хабарлады.

"ТЖМ аумақтық бөлімшелерінің, ведомстволық бағынысты ұйымдарының қызметкерлері, сонымен қатар азаматтық қорғау органдарының ардагерлері + 7 747 651 75 88 нөмірі бойынша жедел және шұғыл шешімді талап ететін өздерін қызықтыратын және проблемалық сұрақтарды министрге тікелей жолдауларына болады", - делінген хабарламада.

Ведомство мәліметінше, сұрақ мәселенің түпкі негізін көрсететін нақты және түсінікті болуы қажет.

"Хабарламаны жіберген кезде өзі туралы деректерді: аты-жөні мен лауазымын, тұрғылықты өңірді көрсету қажет", - деп ескертті ТЖМ өкілдері.