Кемелбек Ойшыбаев "Хабар" агенттігінің төрағасы болды
Опубликовано:
Кемелбек Ойшыбаев "Хабар Агенттігі" АҚ Басқарма төрағасы болып тағайындалды. Бұл туралы Мәдениет және ақпарат министрлігі Telegram арнасында хабарлады.
Ойшыбаев Кемелбек Бақтығұлұлы Әл-Фараби атындағы Қазақ ұлттық университетін "Журналистика" мамандығын, Қазақ гуманитарлық-заң университетін "Заңгер" мамандығы бойынша тәмамдаған. Швейцарияда Geneva Business School (MBA) оқу орнын бітірген.
Кемелбек Ойшыбаев "Столичное обозрение - Атамұра" газетінде, "Интерфакс-Казахстан" ақпараттық агенттігі" ЖШС, "Қазақтелеком" АҚ, "Қазмедиа орталығы" басқарушы компаниясы" ЖШС, "Орталық коммуникациялар қызметі" РММ, "Қазақстан" Республикалық телерадиокорпорациясы" АҚ, "Рухани Жаңғыру" Қазақстандық қоғамдық даму институты, Ұлттық Медиа Қауымдастығы т.б. мекемелерде және ондағы бөлімдерде басшылық қызметтер атқарған. Ақпарат және қоғамдық даму вице-министрі болған.
Мақаланың түпнұсқасы: https://kaz.nur.kz/society/2036441-kemelbek-oisybaev-xabar-agenttiginin-toragasy-boldy/
