"Қазан айында шығып қалуым мүмкін": Кеңес Рақышев көкпар жарысына дайындалатынын айтты
Опубликовано:
Танымал кәсіпкер, меценат Кеңес Рақышев жақында болатын көкпар жарысына дайындықты бастайтынын мәлімдеді. Бұл туралы кәсіпкер Facebook-тегі ресми парақшасында хабарлады.
Кеңес Рақышев еліміздің әйгілі көкпаршысы Ғалымжан Мырзабаев оған бапкер болатынын атап өтті.
"Біздің ең әйгілі көкпаршымыз Ғалымжан палуан Мырзабаевпен кездестім. Біз менің көкпарға қатысу мүмкіндіктерімді талқыладық. Ғалымжан бапкер ретінде мені жарысқа қатысуға дайындайды. Қазан айында шығып қалуым мүмкін", -деп жазды Кеңес Рақышев.
Айта кетелік, бұған дейін Қазақстан бокс федерациясының президенті Кеңес Рақышев Азия ойындарында чемпион атанған боксшыға 50 мың АҚШ долларын беретінін мәлімдеген еді.
Мақаланың түпнұсқасы: https://kaz.nur.kz/society/2036854-qazan-aiynda-sygyp-qaluym-mumkin-kenes-raqysev-kokpar-zarysyna-daiyndalatynyn-aitty/
