Ақтөбеде терроризмді насихаттады деген күдікпен 2 адам ұсталды

9 қыркүйекте Ақтөбе қаласында Ұлттық қауіпсіздік комитеті полициямен бірлесіп, радикалды діни ұяшықтың қызметін тоқтатты, деп хабарлайды KAZ.NUR.KZ ҰҚК ресми сайтына сілтеме жасап.

"Терроризмді насихаттау бойынша күдікпен 2 Қазақстанның азаматы ұсталды.

Олардың тұрғылықты мекенжайлары бойынша экстремистік мағынадағы әдебиеттер мен басқа куәлік заттар тәркіленді", - делінген хабарламада.

ҰҚК мәліметінше, материалдар сотқа дейінгі тергеп-тексеру тізіміне Қылмыстық кодекстің 256-бабы 2-бөлігі бойынша тіркелген.

Құзырлы орган Қылмыстық-процессуалдық кодекстің 201-бабы 1-бөлігіне сәйкес өзге ақпарат жария етуге жатпайтынын атап өтті.