Қылмыс 11 жыл бұрын жасалған: Шымкентте адам өлтіріп, қымбат көлігін алып кеткен күдікті іздестірілуде

Шымкент қаласы Абай аудандық полиция бөлімінің қызметкерлері бір топ адаммен аса ауыр қылмыс жасаған деген күдікпен Түркістан қаласының тұрғыны Ерлан Тәжібаевты іздестіріп жатыр, деп хабарлайды Шымкент қалалық ІІД ресми сайты.

Ведомствоның мәліметінше, 2012 жылы 1986 жылы туған азамат алдын ала сөз байласу арқылы Шымкент қаласының тұрғынын кеуде тұсынан атып өлтірген. Содан кейін шабуылдаушылар жәбірленушінің қымбат көлігін ұрлап, қашып кеткен.

Жедел іздестіру шаралары барысында ер адамның үш сыбайласы ұсталып, қамауға алынды. Қазіргі уақытта Ерлан Тәжібаев мемлекетаралық іздеуде.

"Кімде-кім күдіктінің тұрған жері туралы мәлімет білетін болса, 102, 8 (7252) 97-66-44, 8 701 555 28 06, 8 775 777 23 05 телефондарына хабарласуын сұраймыз", - делінген Шымкент қалалық ПД хабарламасында.