Бүгін ел мегаполистерінің бірінде +26 градусқа дейін жылы болады деп күтілуде

Синоптиктер жексенбі, 24 қыркүйекте ел мегаполистерінде ауа райы қандай болатынын болжады, деп хабарлайды "Қазгидромет" РМК ресми сайтында.

Синоптиктердің болжамынша, бүгін Алматыда жауын-шашынсыз, көшпелі бұлтты болады. Күндіз ауа температурасы +18…+20 градусқа дейін көтерілсе, түнде +6…+8 градусқа дейін төмендейді. Желдің жылдамдығы – 3-8 м/с.

Астанада да бүгін жауын-шашынсыз, күн ашық болмақ. Күндіз термометр бағаны +16…+18 градусты көрсетсе, түнде ауа температурасы +5…+7 градусқа дейін төмендейді. Желдің жылдамдығы – 7-12 м/с.

Ал еліміздің үшінші мегаполисі – Шымкентте бүгін +24…+26 градусқа дейін жылы болады деп күтілуде. Алайда түнде ауа температурасы +10…+12 градусқа дейін төмендеуі ықтимал. Желдің жылдамдығы 8-13 м/с деңгейінде болады.

Айта кетейік, бұған дейін метеорологтар ел өңірлерінде жексенбіде ауа райы қандай болатынын болжаған еді.