Астанада ұшаққа "мина қойылды": полиция шетелдік азаматты ұстады (видео)

Көлік полицейлері елордада халықаралық рейс ұшағына мина қойылды деп жалған ақпарат берген шетелдікті ұстады, деп хабарлайды Telegram-дағы ІІМ ресми жаңалықтары арнасы.

Ведомство мәліметінше, полицияға белгісіз біреуден Астана – Санкт-Петербург бағытындағы әуе рейсі миналанған деген хабар келіп түсті.

ІІМ хабарлама бойынша дереу бортқа тексеру жұмыстары жүргізілгенін мәлімдеді. Нәтижесінде ешқандай жарылғыш заттар табылмаған.

Көлік полицейлері 1987 жылы туған көрші елдерден келген шетел азаматты ұстады.

"Аталған факті бойынша Қылмыстық кодекстің 273-бабы бойынша "Терроризм актісі туралы көрінеу жалған хабарлама" бойынша сотқа дейінгі тергеу басталды. Күдікті істеген ісін мойындады. Сот қамауда ұстау түріндегі бұлтартпау шарасын санкциялады. Тергеу мүддесіне орай өзге де мәліметтер жария етілмейді", - деді көліктегі ПД бастығы Бақытжан Малыбаев.