Бүгін елдегі ірі қалалардың бірінде күн 28 градусқа дейін ысуы мүмкін

Сейсенбі, 26 қыркүйекте Қазақстанның үш ірі қаласы - Астана, Алматы мен Шымкентте күн ашық болады деп күтілуде. Бұл туралы "Қазгидромет" РМК ресми сайтында хабарлады.

Синоптиктердің болжамынша, бүгін Астанада күн ашық, ауа температурасы күндіз 19-21 градус жылы болады. Түнде сынап бағанасы 8-10 градус жылыны көрсетеді. Сондай-ақ секундына 3-8 метрге дейін жел соғуы мүмкін.

Алматыда сейсенбіде күн ашық, 19-21 градус жылы болмақ. Түнде қалада термометрлер 10-12 градусқа дейін түседі. Жел 0-5 м/с жылдамдықпен соғады.

Шымкентте 26 қыркүйекте күн ашық әрі ыстық болады. Күндіз ауа температурасы 26-28 градусқа дейін көтерілсе, түнде 12-14 градус жылы болады деп болжанады. Үшінші мегаполисте жауын-шашын болмайды, желдің жылдамдығы 8-13 м/с жетеді.