Қыркүйектің соңғы күндері елімізде ауа райы қандай болады

Синоптиктер алдағы үш күнге, яғни 28-30 қыркүйекке арналған ауа райы болжамын ұсынды, деп хабарлайды KAZ.NUR.KZ тілшісі "Қазгидромет" РМК баспасөз қызметіне сілтеме жасап.

Метеорологтардың мәліметінше, алдағы күндері республиканың басым бөлігінде ауа райы тұрақсыз болады. Тек батыста күн жауын-шашынсыз болады деп болжанады.

Түнде және таңертең еліміздің солтүстік жартысында, оңтүстік және оңтүстік-шығысындағы таулы аудандарда тұман күтіледі.

Шығыста 28-29 қыркүйекте түнгі уақытта 1-3 градусқа дейін үсік сақталады. Температуралық фонда елеулі өзгерістер күтілмейді.

Ал республиканың оңтүстігінде, оңтүстік-шығысында ауа температурасы күндіз +17...+23 градусқа дейін, таулы аудандарда +8...+13 градусқа дейін біртіндеп төмендеуі мүмкін.