Алматы облысында кішкентай қызды зорлады деп күдікке ілінген 40 жастағы ер адам ұсталды
Опубликовано:
Алматы облысында кішкентай қызды зорлады деп күдікке ілінген 40 жастағы ер адам ұсталды. Ол уақытша ұстау изоляторына қамауға алынды, деп хабарлайды Алматы облыстық ПД Instagram-дағы ресми парақшасында.
Алматы облыстық Полиция департаментінің хабарлауынша, тергеу барысында күдіктінің қыздың әпкесін де зорлауға қатысы бар екені анықталған.
"Күдіктінің әйелі де қамауға алынды. Сараптамалық тексерулер тағайындаумен барлық қажетті тергеу әрекеттері жүргізілуде", - делінген хабарламада.
Ведомство істі тергеу облыстық Полиция департаменті бастығының ерекше бақылауында екенін атап өтті.
ПД Қылмыстық-процестік кодекстің 201-бабы негізінде тергеу мүддесін сәйкес сотқа дейінгі тергеп-тексерудің өзге де деректері жария етуге жатпайтыны мәлімдеді.
Мақаланың түпнұсқасы: https://kaz.nur.kz/society/2039558-almaty-oblysynda-kiskentai-qyzdy-zorlady-dep-kudikke-ilingen-40-zastagy-er-adam-ustaldy/
