Мектеп дәретханасында бейнекамера орнатылуы мүмкін

Оқу-ағарту министрлігі қазір бұл мәселенің кем-кетігі қаралып жатқанын, алдымен бұл сұрақ халық алдына ашық ұсынылып, қоғамдық талқылау жүргізілетінін мәлімдеді, деп хабарлайды КТК арнасы.

Телеарна мәліметінше, үкімет мұндай қадамға соңғы кезде мектеп қабырғасында жиілеп кеткен буллинг кесірінен баруға мәжбүр екенін атап өтті.

Жауапты сала өкілдері елімізде "әрбір бесінші оқушы қатарластарынан тепіріш көреді" деген жаға ұстатарлық мәлімет таратып отыр. Соның барлығы дәретхана ішінде орын алады екен. Себебі мектеп дәлізінде камералар әр бұрышта орналасқан.

"Камераны дәретханада орнықтырған мәселені шешкенімен, кешенді шешкен дұрыс. Осыған біз бағытталып отырмыз. Әрине, камераны дәретханаға орнату мәселесі арнайы мамандармен, сарапшылармен ақылдасуды талап етеді. Өйткені ол жеке адамның құқығына әсер ету. Мәселесі ертең көтерілу керек. Әрнәрсені баппен, байыппен қараймыз", - деді оқу-ағарту министрі Ғани Бейсембаев.

Дереккөз: КТК арнасы

Мәтіннен қате тапсаңыз, бізге жазыңыз