Астанада тәртіп сақшылары қашып кеткен сотталушыны ұстады
Опубликовано:
Астанада тәртіп сақшылары қашып кеткен сотталушыны ұстады, деп хабарлайды KAZ.NUR.KZ елордалық полиция департаментінің баспасөз қызметіне сілтеме жасап.
Ведомство хабарлауынша, патрульдік жасақ пен криминалдық полиция қызметкерлері кеше қашып кеткен сотталушыны ұстаған.
"Енді ол Қылмыстық кодекстің 426-бабы бойынша да қылмыстық жауапкершілікке тартылуы мүмкін. Бұл баптың санкциясында 3 жылға дейін бас бостандығынан айыру жазасы қарастырылған", – делінген полиция хабарламасында.
Естеріңізге сала кетейік, 11 қазанда Қылмыстық-атқару жүйесі комитеті елордада полициядан қашып кеткен сотталушының іздестірліп жатқанын растаған болатын. Полицейлер оны тергеу изоляторына жеткізген кезде қашып кеткен.
Мақаланың түпнұсқасы: https://kaz.nur.kz/society/2040653-astanada-tartip-saqsylary-qasyp-ketken-sottalusyny-ustady/
