Top.Mail.Ru

Сайт нұсқасы

ru kz

Зектілері

Түркістан облысында дәрігерді пышақтады деген күдікпен тұрғын ұсталды

Опубликовано:

Пышақ ұстаған жігіт
Пышақ ұстаған ер адам. Көрнекі фото: NUR.KZ

Түркістан облысында дәрігерге шабуылдаған деген күдікпен 27 жастағы тұрғын ұсталды, деп хабарлайды Telegram-дағы ІІМ ресми жаңалықтары арнасы.

Ведомство мәліметінше, Сайрам ауданының Ақсукент кентіндегі жеке клиникада тұрғындардың бірі ультрадыбыстық кабинетте кезекте тұрғанда жанжал шығарып, рентгенолог-дәрігерге пышақ жарақатын салған.

"Жәбірленуші ауруханаға жатқызылды. Оқиға орнына жедел-тергеу тобы дереу шықты. Қылмыстық кодекстің 106-бабының 2-бөлігі "Денсаулыққа қасақана ауыр зиян келтіру" бойынша қылмыстық іс қозғалды", - деді Тергеу басқармасы бастығының орынбасары Мұхтар Сейділдаев.

Полиция мәліметінше, ауданның 27 жастағы тұрғынын ұсталды. Қазіргі уақытта ол уақытша ұстау изоляторына қамалды.

ІІМ болған оқиғаның барлық мән-жайы анықталып жатқанын мәлімдеді.

Мақаланың түпнұсқасы: https://kaz.nur.kz/society/2040784-turkistan-oblysynda-darigerdi-pysaqtady-degen-kudikpen-turgyn-ustaldy/