Top.Mail.Ru

Сайт нұсқасы

ru kz

Зектілері

Қаржы пирамидасының жетекшісі Украинадан экстрадицияланды

Опубликовано:

Кісен мен ақша
Ақша мен кісен. Көрнекі фото: NUR.KZ/Владимир Третьяков

"LIDER" қаржы пирамидасын басқарды деген күдікпен іздеуде жүрген азамат Украинадан экстрадацияланды. Бұл туралы Бас прокуратура ресми сайтында хабарлады.

Украина Бас прокурорының кеңсесі Бас прокуратурасының "LIDER" қаржы пирамидасын басқарды деген күдікпен іздеуде жүрген азаматты ұстап беру туралы өтінішін қанағаттандырды.

"Ол 2017-2019 жылдар аралығында бөтеннің мүлкін жымқыру мақсатында жалған жобаларға азаматтардың ақшалай салымдарын тартудың заңсыз схемасын ұйымдастырды деген күдікке ілінген.

Қылмыстық әрекеттердің нәтижесінде зардап шеккен 240-тан астам азаматқа 1,2 млрд теңгеден астам шығын келтірілген", - делінген хабарламада.

Бас прокуратура мәліметінше, қылмыстарды жасағаннан кейін, ол қылмыстық қудалау органдарынан жасырынып, салдарынан халықаралық іздеуге жарияланған.

2023 жылдың тамыз айында күдіктіні Украинаның құқық қорғау органдары ұстады.

Бүгін Бас прокуратура мен Ішкі істер министрлігінің қызметкерлері Сыртқы істер министрлігінің көмегімен күдіктіні қылмыстық жауапкершілікке тарту үшін Қазақстанға экстрадициялады.

"Қазіргі уақытта ол Астана қаласының тергеу изоляторына қамалды. Жоғарыда аталған қылмыстарды жасағаны үшін оған 5 жылдан 12 жылға дейін бас бостандығынан айыру жазасы тағайындалуы мүмкін", - деп мәлім етті Бас прокуратурадан.

Мақаланың түпнұсқасы: https://kaz.nur.kz/society/2040790-qarzy-piramidasynyn-zeteksisi-ukrainadan-ekstradiciyalandy/