Көкшетауда мектепке "бомба" қойылды деген ақпараттан соң 1300-ден астам адам эвакуацияланды

Бүгін Көкшетау қаласының полициясына мектептердің біріне жарылғыш зат қойылғаны туралы ақпарат келіп түскен, деп жазады KAZ.NUR.KZ тілшісі Ақмола облысының полиция департаментіне сілтеме жасап.

"Көрсетілген мекенжай бойынша жедел қызметтер мен құқық қорғау органдары қызметкерлері дереу жіберілді. Оқу ордасынан 1279 оқушы мен 79 мұғалім және әкімшілік қызметкері эвакуацияланды", - деді өңірлік ПД баспасөз қызметінен.

Ведомствоның мәлімдеуінше, кинолог мамандар тексеріс жүргізгеннен кейін жарылғыш зат туралы ақпарат расталмаған.

Аталған факті бойынша сотқа дейінгі тергеу, жедел-іздестіру амалдары жүргізіліп жатыр.