Алматылық бойжеткен жерден 3600 метр биіктікте қобыз тартып, парашютпен секірді

Алматы тұрғыны Республика күні қарсаңында парашютпен секіріп, жерден 3600 метр биіктікте қобыз тартқан, деп хабарлайды Хабар24 телеарнасы.

Телеарна тілшілерінің хабарлауынша, алматылық ержүрек бойжеткеннің есімі Ляйля Тәжібаева. Ол Алматы маңында парашютпен секіріп, қобызда еліміздің ұлттық күйін орындаған.

Телеарна мәліметіне сүйенсек, қобызшы бұл батыл әрекетін Республика күніне арнаған.

Сондай-ақ бойжеткен жоспары бойынша орындалған композицияның фонында Қазақстанның көк туын желбіреткен.

Естеріңізге салсақ, бұған дейін қазақстандықтар қазан айында, оның ішінде 25 қазан, сәрсенбіде тойланатын Республика күнінде қанша күн демалатыны туралы жазған едік.