Ақтауда бір үйдің жертөлесіндегі апат салдарынан сантехник қаза тапты
Опубликовано:
Ақтаудағы тұрғын үй кешендерінің бірінде су басқан жертөледе жұмыс істеген коммуналдық қызмет қызметкерін тоқ соқты. Ол дәрігерлер келгенше қайтыс болған, деп хабарлайды Lada.kz сайтына сілтеме жасаған KAZ.NUR.KZ.
Басылым мәліметінше, ер адам Ақтаудағы 17-шағын аудандағы үйлердің бірінде су басқан жертөледе жұмыс істеген.
Қайтыс болған ер адамның артында төрт баласы қалған.
Маңғыстау облысы полиция департаменті ер адамның өлімін растады. Қазір оқиғаға байланысты тергеу жүріп жатыр.
Мақаланың түпнұсқасы: https://kaz.nur.kz/society/2043011-aqtauda-bir-uidin-zertolesindegi-apat-saldarynan-santexnik-qaza-tapty/
