Top.Mail.Ru

Сайт нұсқасы

ru kz

Зектілері

"АрселорМиттал Теміртау" акционерлерінің арасында Назарбаевтың туыстары бар ма

Опубликовано:

Нұрсұлтан Назарбаев
Нұрсұлтан Назарбаев. Фото: elbasy.kz

Үкіметте өткен брифингте Өнеркәсіп және құрылыс министріне "АрселорМиталл Теміртау" акционерлерінің арасында Нұрсұлтан Назарбаевтың туыстары бар ма деген сауал қойылды, деп хабарлайды KAZ.NUR.KZ.

"Жоқ. "АрселорМиттал" бізге берген ақпаратқа сәйкес, олар бұл кәсіпорынның 100 пайыз иесі. Сондай-ақ олардың бұл акцияларды еш кедергісіз қолдануына толық құқығы бар", – деп қысқаша жауап берді Шарлапаев.

Айта кетейік, "АрселорМиталл Теміртау" компаниясының сайтындағы мәліметіне сүйенсек, Қарағанды металлургиялық комбинаты LNM Group компаниясының меншігіне өтіп, 1995 жылы "Испат-Кармет" ААҚ ретінде жұмыс істей бастаған. 2004 жылы "Испат-Кармет" ААҚ атауы "Миттал Стил Теміртау" АҚ болып өзгертілген.

Естеріңізге сала кетейік, 28 қазанға қараған түнде Қарағанды облысындағы Костенко атындағы шахтада жарылыс болды. Апат салдарынан 46 кенші қаза тауып, 20-дан аса кенші зардап шекті.

2023 жылғы 29 қазан жалпыұлттық аза тұту күні болып жарияланды.

Қайғылы жағдайдан кейін Қазақстан билігі компаниямен ынтымақтастықты тоқтатып, меншігін мемлекет иелігіне алды.

Мақаланың түпнұсқасы: https://kaz.nur.kz/society/2043357-arselormittal-temirtau-akcionerlerinin-arasynda-nazarbaevtyn-tuystary-bar-ma/