Шенеунікке йога төсенішін сыйлаған оралдық әйел жауапқа тартылды

Батыс Қазақстан облысында шенеунікке сыйлық берген йога жаттықтырушысына айыппұл салынды. Антикор оқиғаның мән-жайын баяндады, деп хабарлайды "Мой город" басылымы.

Басылымның жазуынша, биылғы жылдың жазында "Салауатты өмір салты академиясы" қоғамдық бірлестігінің жетекшісі Оралда Халықаралық йога күнін өткізген.

Марапаттау рәсімі кезінде ол Батыс Қазақстан облысының дене шынықтыру және спорт басқармасының басшысына йога төсенішін сыйға тартқан еді. Ал төрт айдан кейін әйелді сыбайлас жемқорлыққа қарсы қызмет шақыртқан.

Ведомство қазақстандық әйелге бұл әрекеті құқықбұзушылық болып танылғанын айтты. Яғни ол мемлекеттік қызметкерге қызметтік міндеттерін атқару барысында сыйлық берген.

"Облыстық дене шынықтыру және спорт басқармасының бұрынғы басшысы Қаймен Есендияров Б.-дан йога төсенішін алған.

Есендияров йога жаттықтырушысының әрекетін заңсыз деп қабылдап, сыйлықты арнайы мемлекеттік қорға тапсырған.

Жеке тұлғалардың заңсыз материалдық сыйлық беруі 200 АЕК мөлшерінде айыппұл салуға әкеп соғады. Б.-ға қатысты әкімшілік құқық бұзушылық туралы хаттама жасалып, (берілген сыйлық сомасынан — ред.) 50 пайыз мөлшерінде айыппұлды өз еркімен төлеуге күнтізбелік жеті күн уақыт берілді", — деп жазады басылым Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

Мәтіннен қате тапсаңыз, бізге жазыңыз