Қарағанды облысында жол апатынан алты адам қаза болды

Қарағанды облысында Алматы-Екатеринбург тас жолында жол апатынан алты адам қаза тапты, деп хабарлайды Telegram-дағы ҚР ІІМ ресми жаңалықтары арнасы.

Ведомство мәліметіне сүйенсек, 6 қарашада Алматы-Екатеринбург тасжолында Volkswagen жеңіл автокөлігі мен Volvo жүк көлігі соқтығысқан.

Жол-көлік оқиғасы салдарынан жеңіл автокөліктің жүргізушісі мен оның бес жолаушысы оқиға орнында көз жұмған.

Қазіргі таңд бұл дерек полицияда тіркеліп, тиісті сараптамалар тағайындалған. Оқиға орнында тергеу тобы жұмыс жасап жатыр.

"Осы орайда көлік жүргізушілерінен жол ережесін қатаң сақтауға, жылдамдықты асырмауға және жолдың қарсы бағытына шықпауды сұраймыз", - дейді Қарағанды облысының ПД ППБ командирі Бекзат Сауленбаев.