Алматыда жексенбіде қалалық жарысқа байланысты жолдар жабылады

12 қарашада Алматыда "City Run 2023" қалалық жарысы өтеді. Осыған байланысты қаладағы кей көшелерде көлік қозғалысы шектеледі, деп хабарлайды KAZ.NUR.KZ.

Almaty-marathon.kz ресми сайтынының мәліметенше, сөре және мәре сызықтары Төле би көшесіндегі "Астана" алаңында болады. Маршрут Наурызбай батыр, Шевченко, Бөгенбай батыр және Панфилов көшелерінен өтеді. Соған байланысты мына көшелерде көлік қозғалысы шектеледі:

• Төле би көшесінде Абылай хан даңғылынан Панфилов көшесіне ("Астана" алаңы) дейінгі жол бөлігінде көлік қозғалысы сағат 04:00-ден 11:00-ге дейін шектеледі. Көлікпен жүрудің баламалы жолдары: шығыс бағытында – Гоголь көшесі, батыс бағытында – Абай даңғылы.
• Төле би көшесінде Наурызбай батыр көшесінен Абылай хан даңғылына дейінгі жол бөлігінде көлік қозғалысы сағат 07:45-тен 09:40-қа дейін шектеледі. Көлікпен жүрудің баламалы жолдары: шығыс бағытында – Гоголь көшесі, батыс бағытында – Абай даңғылы.
• Наурызбай батыр көшесінде Төле би көшесінен Шевченко көшесіне дейінгі жол бөлігінде көлік қозғалысы сағат 08:00-ден 09:30-ға дейін шектеледі. Көлікпен жүрудің баламалы жолы: Сейфуллин даңғылы.
• Шевченко көшесінде Наурызбай батыр көшесінен Панфилов көшесіне дейінгі жол бөлігінде көлік қозғалысы сағат 08:05-тен 09:20-ға дейін шектеледі. Көлікпен жүрудің баламалы жолы: Абай даңғылы.
• Панфилов көшесінде Төле би көшесінен Бөгенбай батыр көшесіне дейінгі жол бөлігінде көлік қозғалысы сағат 08:15-тен 09:45-ке дейін шектеледі. Көлікпен жүрудің баламалы жолы: Назарбаев даңғылы.
• Бөгенбай батыр көшесінде Назарбаев даңғылынан Абылай хан даңғылына дейінгі жол бөлігінде көлік қозғалысы сағат 08:15-тен 09:45-ке дейін шектеледі. Көлікпен жүрудің баламалы жолдары: шығыс бағытында – Гоголь көшесі, батыс бағытында – Абай даңғылы.
• Абылай хан даңғылында Төле би көшесінен Бөгенбай батыр көшесіне дейінгі жол бөлігінде көлік қозғалысы сағт 08:15-тен 09:45-ке дейін шектеледі. Көлікпен жүрудің баламалы жолдары: Назарбаев даңғылы және Сейфуллин даңғылы.

"Алматы марафоны" мәліметінше, City Run – қаланың дәл орталығында өтетін маусымның соңғы жарысы. Жарыс әуесқойларына екі жүгіру қашықтығы ұсынылған — 10 км және 5 км скандинавиялық жүріс. Сөре сызығына 2200 қатысушы шығады.

Мәтіннен қате тапсаңыз, бізге жазыңыз