Ақтауда қарашада бөртегүл гүлдеді

Ақтаудағы шағын аудандардың бірінде қараша айында бөртегүл (сирень) гүлдеді, деп хабарлайды Lada.kz басылымы.

Басылым Instagram-дағы парақшасында қарашада гүлдеген бөртегүлдің фотоларын бөлісті. Фотолар қаланың үшінші шағын ауданында түсірілген.

"Қазгидромет" РМК синоптиктерінің болжамынша, бүгін Ақтауда күн бұлтты болады, ауа температурасы күндіз +16...+18 градусты көрсетеді.

10 қарашада да күн бұлтты болады. Десе де күндіз +13...+15 градус жылы. Бүгін және ертең қалада желдің жылдамдығы 9-14 м/с, күндіз 20 м/с-қа жетуі мүмкін.