"ІІМ басшылығының бақылауында": Бишімбаевтің ісіне қатысты Астана полиция департаменті мәлімдеме жасады

Бұрынғы Ұлттық экономика министрі Қуандық Бишімбаевтің әйелі Салтанат Нүкенованың өліміне қатысты іс Ішкі істер министрлігі басшылығының бақылауында. Бұл туралы Астана полиция департаменті Instagram-дағы ресми парақшасында хабарлады.

Ведомство мәліметінше, Астана қаласының полиция департаменті мейрамханада әйелді өлтіру дерегі бойынша Қылмыстық Кодексінің 99-бабы 1-бөлігі "Кісі өлтіру" бойынша тергеу амалдары жүріп жатқанын хабарлады.

"Күдікті Астана қаласы ПД Уақытша ұстау изоляторына қамалды. Істің объективті мән-жайын анықтауға бағытталған кешенді тергеу шаралары жүргізілуде", - делінген хабарда.

Астана қаласы полиция департаменті тергеу барысы Ішкі істер министрлігі басшылығының бақылауында екенін мәлімдеді.

"Жалған ақпарат таратқаны үшін қылмыстық жауапкершілік қарастырылғандығын еске саламыз",- деп ескертті Астана қаласы полиция департаментінен.

Мәтіннен қате тапсаңыз, бізге жазыңыз