Top.Mail.Ru

Сайт нұсқасы

ru kz

Зектілері

Талдықорған қалалық полиция басқармасының бастығы қыз зорлады деген күдікпен қамалды

Опубликовано:

Полицей
Полицей. Көрнекі фото: piqsels.com

Талдықорған қалалық полиция басқармасының бастығы Марат Күштібаев уақытша ұстау изоляторына қамауға алынды, деп хабарлады Жетісу облыстық полиция департаменті Instagram-дағы ресми парақшасында.

Ведомство өкілдерінің мәліметінше, Талдықорған қалалық полиция басқармасының бастығы облыс орталығының 27 жастағы тұрғынын зорлады деген күдікке ілінген.

"Қылмыстық кодекстің 120-бабы 2-бөлігі (Қызметтік міндеттерін орындау кезінде жасаған зорлау) бойынша қылмыстық іс қозғалды.

Барлық мән-жай қажетті сараптамалар тағайындалған соң сотқа дейінгі тергеп-тексеру барысында зерделенеді", - делінген хабарда.

Облыстық ПД қылмыстық істі тергеу ІІМ-нің ерекше бақылауына алынғанын мәлім етті.

Мақаланың түпнұсқасы: https://kaz.nur.kz/society/2045437-taldyqorgan-qalalyq-policiya-basqarmasynyn-bastygy-qyz-zorlady-degen-kudikpen-qamaldy/