Бүгін Газа секторынан 120-дан астам Қазақстан азаматы мен олардың отбасы мүшелері эвакуацияланады

Бүгін, 14 қарашада 122 азамат - қазақстандықтар мен олардың отбасы мүшелері Газа секторынан "Рафах" бақылау-өткізу пункті арқылы эвакуацияланады. Бұл туралы KAZ.NUR.KZ Шекара өткелдері бас басқармасының Facebook парақшасына сілтеме жасап хабарлайды.

Газа секторының шекара өткелдері мен шекаралар бас басқармасы Facebook-тегі ресми парақшасында сейсенбі, 14 қарашада "Рафах" бақылау-өткізу пункті арқылы эвакуацияланатын азаматтардың тізімін жариялады.

Тізімдегі "Қазақстан" деген бағанда Қазақстан мен Палестина азаматтығын алған 122 адам бар, оның ішінде 62 кәмелетке толмаған баланың аты-жөні көрсетілген.

Ведомство тізімде көрсетілген азаматтар өткізу пунктінде жергілікті уақыт бойынша сағат 07:00-де (Астана уақыты бойынша 11:00) сыртқы өткел залында болуы керектігін ескерткен.

Еске сала кетейік, кеше Сыртқы істер министрлігі Газа секторынан қазақстандықтарды эвакуациялау басталғанын хабарлаған болатын.