Қазақстан халқының саны 20 миллионға жетті
Жарияланған күні:
Қазақстан халқының саны 20 миллионға жетті. Сүйінші жаңалықты мемлекет басшысы Қасым-Жомарт Тоқаев жеткізді.
Мемлекет басшысы Х желісіндегі парақшасында отандастарымызды ақжолтай жаңалықпен құттықтады.
"Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы – бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді", – деп жазды Қасым-Жомарт Тоқаев.
Еске сала кетсек, бұған дейін Ұлттық статистика бюросы 2023 жылғы 1 қазандағы дерек бойынша Қазақстан халқының саны 19 967 964 адамға жеткенін хабарлаған еді.
Мақаланың түпнұсқасы: https://kaz.nur.kz/society/2046008-qazaqstan-xalqynyn-sany-20-millionga-zetti/
