Top.Mail.Ru

Сайт нұсқасы

ru kz

Зектілері

"Қыз зорлау және есірткі қылмысы": 23 жыл іздеуде болған ресейліктер Павлодарда ұсталды

Опубликовано:

Күдіктіні ұстау сәті
Күдіктіні ұстау сәті. Көрнекі фото: NUR.KZ/Владимир Третьяков

Павлодар облысының жедел уәкілдері Ресей федерациясының екі азаматы орналасқан жерін анықтады, олар шамамен 24 жыл бойы тергеуден жасырынған, деп хабарлайды облыстық ПД Instagram-дағы ресми парақшасында.

Павлодар облыстық ПД мәліметі бойынша, 2000 жылы Ресейдің Омбы қаласында 57 жастағы ер адам 17 жастағы қызды зорлады деген күдікке ілінген, сондай-ақ, 1999 жылы Ресейде есірткі қылмысы бойынша күдікті 69 жастағы әйел ұсталды.

Осы жылдар ішінде екеуі де жасырынып жүрген, тұрғылықты жерін ауыстыра берген.

"Қабылданған шаралардың арқасында жедел қызметкерлер орналасқан жерін (күдіктілердің - ред. ескертпесі) анықтады. Қазіргі уақытта экстрадициялау мәселесі халықаралық шарттарға сәйкес шешіліп жатыр", - деді Павлодар облысы ПД криминалдық полиция бастығы Балғабай Қапаров.

Облыстық ПД өкілдері жыл басынан бері іздеу жарияланған 135 күдіктінің орналасқан жері анықталғанын хабарлады.

Мақаланың түпнұсқасы: https://kaz.nur.kz/society/2046105-qyz-zorlau-zane-esirtki-qylmysy-23-zyl-izdeude-bolgan-reseilikter-pavlodarda-ustaldy/