Қарағанды облысында төтенше жағдай жарияланады

Қарағанды ​​облысында дауылдан кейін қираған нысандар қалпына келтіріліп жатыр. Өңір басшысы Ермағанбет Бөлекпаев қала мен аудан әкімдеріне қираған нысандарды тез арада қалпына келтіріп, төтенше жағдай жариялауды тапсырды, деп хабарлайды KAZ.NUR.KZ облыс әкімдігінің ресми сайтына сілтеме жасап.

Ведомство мәліметінше, өткен демалыс күндері Қарағанды облысында дауылды жел соқты. Құтқарушылар ауа райының салдарын жоюды жалғастырып жатыр.

Облыс әкімі Ермағанбет Бөлекпаевқа ТЖ департаментінің бастығы Мұрат Қатпанов өңірдегі жағдай туралы баяндап, құрбандар мен зардап шеккендер жоғын айтты.

"18-19 қарашада аймақта қатты желдің салдарынан 114 тұрғын үйлер мен әртүрлі ғимараттардың шатырлары мен қабырға қаптамаларының зақымдануы тіркелді. Қираған шатырлардың жалпы ауданы 18 947 шаршы метрге жетті. Қарағанды, Теміртау, Балқаш, Шахтинск, Ақтоғай, Абай, Бұқар жырау, Осакаров, Нұра, Қарқаралы және Шет аудандарының аумағында электр энергиясы ішінара өшіріліп қалды. Қазіргі уақытта облыстың елді мекендерінің басым бөлігі электр энергиясына қосылған, үш қалада және төрт ауданда авариялық жұмыстар жалғасуда. Сондай-ақ, ағаштардың қирауы мен құлау қаупі туралы 85 хабарлама келіп түсті", – деді Мұрат Қатпанов.

Ермағанбет Бөлекпаев қалалар мен аудандардың әкімдеріне зардап шеккен нысандарды қысқа мерзімде қалпына келтіруді тапсырды. Облыс әкімі төтенше жағдай жариялап, барлығын заң аясында жасау керегін мәлімдеді.