Қостанай облысында пара алды деген күдікке ілінген экс-полицейлерге қатысты сот отырысы өтті

Қостанай облысында жүргізушілерден бірнеше рет пара алды деген күдікке ілінген бұрынғы патрульдік полиция қызметкерлеріне қатысты сот процесі басталды, деп хабарлайды "ТоболИнфо" басылымы.

Басылым жазуы бойынша, екі айыпталушы да бұрын құқық қорғау органдарынан жұмыстан шығарылған.

Мемлекеттік айыптау тарапының айтуынша, патрульдік полицейлер жүргізушілерден жүйелі түрде пара алған. Іс бойынша И. есімді айыпталушы тоғыз эпизодқа қатысы бары, ал А. есімді айыпталушы сегіз эпизодқа қатысы бары анықталған.

Іс материалдарына сәйкес, эпизодтардың бірінде полицей куәлігінен айырылған жүргізушіден 10 мың теңге пара алған.

Сонымен қатар басылым мәліметіне сүйенсек, патрульдік полицейлер Екатеринбург-Алматы тас жолында 8 жүргізушіні пара беруге мәжбүрлеген, оның ішінде Ресей азаматтары да бар.

"Бұрынғы полицейлер алған параның жалпы сомасы 155 303 теңге. Айыпталушылар сот отырысында айғақ беруге дайын еместігін айтып, сөйлеуден бас тартты", – делінген іс материалдарында.