Жамбыл облысында 4 жасар баланың басы көліктердің арасына қысылып қалды
Опубликовано:
Жамбыл облысында екі көліктің арасында қалған бала бас-ми жарақатын алды, деп хабарлайды ІІМ Telegram-дағы ресми жаңалықтар арнасында.
ІІМ мәліметінше, жол-көлік оқиғасы Қордай ауданында болған.
"Төрт жасар бүлдiршiн екі көліктің арасына түсіп, бас-ми жарақатын алды. Ұлын балабақшадан алып бара жатқан анасы басқа көлікті байқамай қалған", - делінген хабарламада.
Полиция ата-аналарға үндеу жасап, балалардың қауіпсіздігін қамтамасыз ету, ықтимал қауіптердің алдын алу және баланы олардан қорғау ата-ананың басты міндеті екенін еске салды.
Мақаланың түпнұсқасы: https://kaz.nur.kz/society/2047456-zambyl-oblysynda-4-zasar-balanyn-basy-kolikterdin-arasyna-qysylyp-qaldy/