Батыс Қазақстанда боранда жоғалған ер адамның денесі табылды
Опубликовано:
Бірнеше күн бұрын Батыс Қазақстан облысы, Ақжайық ауылында жоғалып кеткен ер адам өлі табылды. Мәйіт сараптамаға жіберілді, деп хабарлайды "Мой город" сайтына сілтеме жасаған KAZ.NUR.KZ.
Облыстық полиция баспасөз қызметінің мәліметінше, Ақжайық ауылынан 10 шақырым жерде із-түзсіз жоғалған ер адамның денесі табылды. Мәйітте зорлық-зомбылық белгілері жоқ.
Өлімнің себебін анықтау үшін мәйіт сараптамаға жіберілді.
Полицейлер ер адамның 22 қарашада жоғалып кеткенін және сол күні ауданда қатты боран болғанын атап өтті.
Марқұм жұмыстан сағат 10:00-де шыққан, алайда, үйіне оралмаған. Оны іздеуге тікұшақ жұмылдырылды.
Мақаланың түпнұсқасы: https://kaz.nur.kz/society/2047576-batys-qazaqstanda-boranda-zogalgan-er-adamnyn-denesi-tabyldy/
