Қарағанды облысында полицейге іздеу жарияланды

Облыстық тергеу департаментінің бұрынғы бастығы Рустам Күлкеевке ұрлық жасады және қызметін асыра пайдаланды деген айып тағылған. Бұл туралы КТК телеарнасы хабарлады.

Телеарна мәліметінше, Рустам Күлкеев 2021 жылы жасалған қылмысқа күдікті ретінде танылған. Сол жылы облыстық полиция департаменінің тергеу басқармасын басқарған.

Қызметтік лауазамын пайдаланып қылмыстық істе айғақтар ретінде алынған майнинг құрылғылаын қолды қылған. Оған басқарманың тағы бір тергеушісі көмектескен делінеді. Екеуі де қазір тергеуге алынған.

Күлкеев кейінгі жұмыс орны Саран қаласы полиция бөлімі бастығы қызметінен екі ай бұрын босатылған. Бірақ айғақтарды қолды қылу ісінде күдікті ретінде тергеу әрекеттерін жүргізуге келмей қалған. Үйінде де жоқ екен. Жақын арада төбе көрсетпесе, оған халықаралық іздеу жарияланатыны айтылады.

Дереккөз: КТК телеарнасы

Мәтіннен қате тапсаңыз, бізге жазыңыз