Бұрынғы қызметкер

Астана қалалық жедел жәрдем станциясының басшысы екі айға қамауға алынды

Жарияланған күні:6 желтоқсан 2023, 17:01

Кісен салу. Көрнекі фото: NUR.KZ/Владимир Третьяков

Астана қалалық жедел жәрдем станциясының басшысы екі айға қамауға алынды. Бұл туралы KAZ.NUR.KZ елордалық соттың ресми сайтына сілтеме жасап хабарлайды.

"2023 жылғы 6 желтоқсанда Астана қаласының мамандандырылған ауданаралық тергеу соты күдікті "Қалалық жедел медициналық жәрдем станциясы" ШЖҚ МКК басшысын 2 ай мерзімге күзетпен ұстау түріндегі бұлтартпау шарасын санкциялады", - делінген сот хабарламасында.

Еске салайық, 5 желтоқсанда Сыбайлас жемқорлыққа қарсы қызмет Астана қаласы бойынша департаментінің қызметкерлері "Қалалық жедел медициналық жәрдем станциясы" ШЖҚ МКК басшысын ұстағанын хабарлаған болатын.

Агенттік өкілдері басқа мәлімет ҚПК 201-бабына сәйкес жария етілмейтінін айтқан еді.

Мәтіннен қате тапсаңыз, бізге жазыңыз