Top.Mail.Ru

Сайт нұсқасы

ru kz

Зектілері

"Ыңғайсыздау болды": "Атамекен" басшысы Тоқаевтың алдына италиялық аяқ киіммен келгені туралы пікір білдірді

Опубликовано:

Тоқаев салтанатты премия табыстау рәсімінде
Тоқаев салтанатты премия табыстау рәсімінде. Фото: t.me/aqorda_resmi

"Атамекен" президиумы төрағасы Райымбек Баталовтың айтуынша, Қасым-Жомарт Тоқаев "Алтын сапа" және "Парыз" марапаттарын табыстау рәсіміне отандық өнімдегі аяқ киіммен келген, деп жазады KAZ.NUR.KZ.

"Атамекен" президиумы төрағасы Райымбек Баталов биыл "Алтын сапа" және "Парыз" марапаттарын табыстау рәсімінде жеңіл өнеркәсіп саласы өте жақсы көрсетілгенін атап өтті.

Сонымен қатар Баталов Тоқаевтың іс-шараға Қазақстанда өндірілген аяқ киім киіп келгенін айтты.

"Президент акцент жасады: "Қақаған аязда (Конгресс-орталығы ғимаратындағы марапаттарды табыстау рәсімі – ред.ескертпесі) қазақстандық аяқ киім киіп келдім. Сосын ол менен қандай аяқ киім киіп келгенімді сұрады. Сәл ыңғайсыздау болды. Менде отандық аяқ киім бар, бірақ бүгін италиялық аяқ киім киіп келген едім, алайда президент (бұл мәселеге – ред.ескертпесі) аса патриоттық көзқараста, ол отандық тауар өндірушілерін өзі дәріптейді. Бұл кішкентай болғанымен, аса маңызды нюанс", – деп атап өтті ҰКП басшысы.

Оның сөзіне сенсек, Ұлттық кәсіпкерлер палатасы өкілдерінің пікірінше, отандық тауар өндірушілері халық арасында, әсіресе, ұлттық киімдердің үлкен сұранысқа ие болуы – жақсы көрсеткіш.

"Бүгінде жақсы тренд қалыптасқан. Біз сенімдіміз, тағы қайталап өтейін: келер жылы (марапаттау рәсімінде – ред.) қазақстандық өндірісті қарастыруға баса назар аударамыз әрі тағы қосымша мамандықтарды енгіземіз", – деп түйіндеді Баталов.

Айта кетейік, былтыр желтоқсанда президент Қасым-Жомарт Тоқаев Өзбекстанға сапары кезінде отандық өндірістегі аяқ киімін киіп барған болатын. Кейін қазақстандық журналист Әділ Балтабаев мемлекет басшысы жұмыс сапарында бұған дейін талай рет отандық брендке басымдық бергенін айтқан еді.

2022 жылы бірқатар елге сапарында Тоқаев қазақстандық аяқ киіммен көрінген еді.

Мақаланың түпнұсқасы: https://kaz.nur.kz/society/2050426-yngaisyzdau-boldy-atameken-bassysy-toqaevtyn-aldyna-italiyalyq-ayaq-kiimmen-kelgeni-turaly-pikir-bildirdi/