"Арасында балалар да бар": Маңғыстау облысында көлік батып қалып, 7 адам құтқарылды

Маңғыстау облысындағы Құрық-Ақтау тас жолында көлік батып қалып, 7 адам құтқарылды. Бұл туралы KAZ.NUR.KZ Маңғыстау облыстық ТЖД баспасөз қызметіне сілтеме жасап хабарлайды.

Ведомство мәліметінше, 11 желтоқсанда 112 пультіне Қарақия ауданының Құрық-Ақтау тас жолынан шамамен 23-25 шақырым жерде автокөлік батып қалғаны туралы хабарлама түсті.

"Оқиға орнына жедел жеткен ТЖ департаментінің қызметкерлері 7 адамды, оның ішінде 5 баланы құтқарды", - делінген хабарламада.

Авариялық құтқару жұмыстарына №7 өрт сөндіру бөлімінің 5 қызметкері мен 1 бірлік техника жұмылдырылған.