Алматы облысында қарлы боран мен аязда адасып қалған екі шопан табылды

12 желтоқсанда Алматы облысының құтқарушылары үскірік аяз бен қарлы боранда далада адасып кеткен екі шопанды құтқарды, хабарлайды Төтенше жағдайлар министрлігі ресми сайтында.

Ведомство мәліметінше, 11 желтоқсанда сағат 22:03-те Алматы облысының Жамбыл ауданында бір отар қойды баққан екі шопанның жоғалғаны туралы хабар келіп түскен. Құтқарушыларда болжамды геолокацияда ғана болған себебі жоғалған адамдармен байланыс үзілген. Республикалық жедел-құтқару жасағының 10 адамнан тұратын жедел құтқару тобы, оның ішінде 1 кинологиялық есеп өтімдігі жоғары үш автотехникамен ер адамдарды іздеуге шықты. Базадан іздеу орнына дейінгі арақашықтық 138 км құраған.

"Сағат 02.40-да құтқарушылар шопандарды Жартас ауылы ауданында даладан іздеуге кірісті. Іздеу операциясы жүргізілген кезде далада қатты жел, боран, аяз болды.

Сағат 09.55-те жоғалған бірінші шопан табылды, сағат 10.15-те екінші шопан да табылды. Екеуі де Жартас ауылы ауданында даладан табылды. Бақытымызға орай, адамдар қатты аязға қарамастан үсіп қалмаған, зардап шеккен жоқ", - делінген хабарламада.

Шопандар далада бағытын жоғалтып, адасып кеткен екен. Осылайша 1984 және 1982 жылы туған екі адам құтқарылды.

ТЖМ мұндай жағдайда 112 немесе 8(727) 372-15-60 (Республикалық жедел-құтқару жасағының кезекші-диспетчерлік бөлімі) қоңырау шалу қажеттігін еске салды.